მარანი ქვევრი ღვინო

ნაშრომი განკუთვნილია საქართველოს მოსახლეობის იმ კატეგორიისათვის, რომელიც მისდევს, ან უბრალოდ, აფასებს ღვინის ქართულად დაყენების საქმეს. წიგნში შევეცდებით, ვუპასუხოთ ზოგიერთ იმ შეკითხვას, რომელიც ამ სფეროს ახლავს თან. რა თქმა უნდა, ამგვარი არა ერთი, არამედ მრავალი იქნება, რადგან ხსენებული საკითხი საკმაოდ ღრმა შინაარსისაა. ამიტომ, შესაძლოა, ზოგიერთი შეკითხვა უპასუხოდაც დარჩეს. თუმცა, ვიმედოვნებთ, რომ ქართველ მკვლევართა შემდგომი შრომის შედეგად ახლო მომავალში დაინტერესებულ პირებს ამომწურავი ინფორმაცია ექნებათ ქართული ტრადიციული მეღვინეობის პრინციპების შესახებ.