ამ მთისა და იმ ბარისა

სიყვარულში იმედგაცრუებული ახალგაზრდა ქალი დიდ ტკივილსა და დიდი ქალაქის აურზაურს მთაში გაურბის, უჩვეულო სიწყნარეს, სილამაზეს და მიტოვებული სოფლის ლანდებს აფარებს თავს. სწორედ აქ, მითებისა და ლეგენდების საუფლოში, მისტიკისა და რეალობის, წარსულისა და აწმყოს მიჯნაზე, აღათოს ამბებში პოულობს შვებას, საკუთარ თავს და დიდ სიყვარულს…

მკითხველის წინაშეა კონკურსის „გახდი ბესტსელერის ავტორი“ გამარჯვებულის ელის დოჯსონის (თამარ შენგელიას) რომანი, რომელიც, ისევე, როგორც მისი სხვა წიგნები, სავსეა მოულოდნელი, ეგზოტიკური პასაჟებით და ავტორის მდიდარი ფანტაზიით.