კატია პეტროვსკაია – ალბათ ესთერი

როცა წიგნს ვკითხულობდი, ერთი აზრი მდევდა თან: რომ ჩვენც ისეთივე მეშუგე, საღ ჭკუაზე არმყოფი, გიჟი ვართ, როგორც კატიას ბაბუის ძმა, „ყველაზე ებრაული სახელით“ – იეჰუდა შტერნი, რომელმაც ჯერ კიდევ ჰიტლერის ძალაუფლებაში მოსვლამდე, 1932 წელს, კაცმა არ იცის, რატომ, გერმანელ დიპლომატს მოსკოვში ესროლა ტყვია, მერე დანაშაულის ადგილზევე “ორგანოებს” ჩაბარდა და, რასაკვირველია, სიკვდილით დასაჯეს; ან კატიას დიდი ბებია, რომლის სახელიც აღარავის ახსოვს და ალბათ ესთერი ერქვა, რომელიც 1941 წელს, დაპყრობილ კიევში, ქუჩაში გავიდა და გერმანელ ჯარისკაცებს, ნდობით, იდიშზე მიმართა და რომელიც, რასაკვირველია, დახვრიტეს.
ლაშა ბაქრაძე